ಪೊಲೀಸ್ ಠಾಣೆಯ ಸೇವೆಗಳು

  • ಎಲ್ಲಾ ಸಂಜ್ಞೇಯ ಅಪರಾದಗಳ ನೊಂದಣಿ ನಂತರ ಪ್ರಥಮ ವರ್ತಮಾನ ವರದಿ ಒಂದು ಪ್ರತಿಯನ್ನು ದೂರುದಾರರಿಗೆ ಉಚಿತವಾಗಿ ನೀಡಲಾಗುತ್ತದೆ.
  • ಘಟನೆ ಘಟಿಸಿದ ಪೊಲೀಸ್ ಠಾಣಾ ಹದ್ದಿಯಲ್ಲಿ ದೂರನ್ನು ಕಡ್ಡಾಯವಾಗಿ ದಾಖಲಿಸಿಲಾಗುವುದು, ಅದಲ್ಲದೆ ದೂರನ್ನು ಯಾವುದೇ ಪೊಲೀಸ್ ಠಾಣೆಯಲ್ಲಿ ದಾಖಲಿಸಬಹುದು. ಸರಹದ್ದಿನ ಕಾರಣದಿಂದ ಪ್ರಕರಣ ದಾಖಲಿಸಲು ನಿರಾಕರಿಸುವಂತಿಲ್ಲ. ಆದರೆ ಸರಹದ್ದಿನ ಠಾಣೆಗೆ ಪ್ರಕರಣದ ವರ್ಗಾವಣೆಯಲ್ಲಿ ಅಲ್ಪ ವಿಳಂಬವಾಗಬಹುದು.  
  • ಅಸಂಜ್ಞೇಯ ಪ್ರಕರಣ, ಲಘು ಪ್ರಕರಣಗಳು, ಅರ್ಜಿಗಳು, ಇತ್ಯಾದಿಗಳಿಗೆ ಸ್ವೀಕೃತಿಯನ್ನು (ಫಾರ್ಮ್ 76ಎ ನ ಮೂಲಕ) ನೀಡಲಾಗುವುದು.  
  • ಕೃತ್ಯ ನಡೆದ ಸ್ಥಳಕ್ಕೆ ಭೇಟಿ  ಸೇರಿದಂತೆ ದಾಖಲಾದ ಪ್ರಕರಣಗಳ ಸಮಗ್ರ ತನಿಖೆ ನಡೆಸಲಾಗುವುದು.
  • ಪೊಲೀಸ್ ಮತ್ತು ಸಾರ್ವಜನಿಕರ ಸಂಪರ್ಕ:
    • ನಾಗರಿಕ ಸಮಿತಿಯ ಸಭೆ  
    • ಶಾಂತಿ ಸಭೆ
    • ಮೊಹಲ್ಲಾ ಸಮಿತಿ ಸಭೆ  
    • ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡಗಳ ವಸತಿ ಪ್ರದೇಶಗಳಿಗೆ ಭೇಟಿ.
  • ಸಾರ್ವಜನಿಕ ಸ್ಥಳ, ಪೆಂಡಾಲ್, ಮೇರವಣಿಗೆಗಳಲ್ಲಿ, ಸಭೆಗಳಲ್ಲಿ ಧ್ವನಿವರ್ಧಕಗಳನ್ನು ಉಪಯೋಗಿಸುವ ಅನುಮತಿಯನ್ನು ಆಯಾ ವ್ಯಾಪ್ತಿಯ ಪೊಲೀಸ್ ಠಾಣೆಯಲ್ಲಿ ನೀಡಲಾಗುವುದು. 
  • ಠಾಣೆಗಳಲ್ಲಿ ಸೌಜನ್ಯದ ಶಿಷ್ಠಾಚಾರ ಪಾಲಿಸಲಾಗುವುದು.
  • ದೂರನ್ನು ಸೂಕ್ಷ್ಮವಾಗಿ ಮತ್ತು ಸಹಾನುಭೂತಿಯಿಂದ ನೋಡಲಾಗುವುದು.
  • ಕೂಳಿತುಕೊಳ್ಳಲು ಆಸನ, ಕುಡಿಯುವ ನೀರು ಮತ್ತು ಶೌಚಾಲಯದ ವ್ಯವಸ್ಥೆ ಇರುತ್ತದೆ.
  • ಠಾಣಾಧೀಕಾರಿ ಅಥವಾ ಉಸ್ತುವಾರಿ ಅಧೀಕಾರಿಯೊಂದಿಗೆ ಭೇಟಿ. ಠಾಣಾಧೀಕಾರಿ ಪೊಲೀಸ್ ನಿರೀಕ್ಷಕರು ಅಥವಾ ಪೊಲೀಸ್ ಉಪನಿರೀಕ್ಷಕರು ಆಗಿರುತ್ತಾರೆ. ಅವರ ಅನುಪಸ್ಥಿತಿಯಲ್ಲಿ ಠಾಣೆಯ ಹೆಡ್ ಕಾನ್ಸಟೇಬಲ್ ದರ್ಜೆಗಿಂತ ಕಡಿಮೆ ಇಲ್ಲದ ಹಿರಿಯ ಅಧಿಕಾರಿ ಠಾಣೆಯ ಕರ್ತವ್ಯ ಮತ್ತು ಜವಾಬ್ದಾರಿಯನ್ನು ವಹಿಸಿಕೊಂಡಿರುತ್ತಾರೆ.

ಕೊಪ್ಪಳದ ಬಗ್ಗೆ

ಎಪ್ರಿಲ್ 1,1998 ರಂದು ಕೊಪ್ಪಳ ಜಿಲ್ಲೆಯು ಆಡಳಿತಾತ್ಮಕವಾಗಿ ಅಸ್ತಿತ್ವಕ್ಕೆ ಬಂದಿತು, ಇತಿಹಾಸದಲ್ಲಿ ಗುರುತಿಸಿಕೊಳ್ಳದಿದ್ದರೂ ಸಹ ವಿಶ್ವಪರಂಪರೆಯ ತಾಣ ಹಂಪಿಯ ಜೊತೆಗೆ ಐತಿಹಾಸಿಕವಾಗಿ ಹತ್ತಿರದ ಸಂಬಂಧ ಹೊಂದಿದೆ. ಇದು ಹಿಂದೆ ಪ್ರಸಿದ್ದ ವಿಜಯನಗರ ಸಾಮ್ರಾಜ್ಯದ ಭಾಗವಾಗಿತ್ತು, ಶ್ರೀಮಂತ ಇತಿಹಾಸ, ಸಾಂಸ್ಕೃತಿಕ ವಿಸ್ಮಯ ಹಾಗೂ ಅತ್ಯುನ್ನತ ತುಂಗಾಭದ್ರ ಆಣೆಕಟ್ಟು ಕೊಪ್ಪಳವನ್ನು ಉತ್ತುಂಗಕ್ಕೇರಿಸಿದೆ.

ಮುಂದೆ ಓದಿ...

ಸಂಪರ್ಕಿಸಿ

ಪೊಲೀಸ್ ಅಧೀಕ್ಷಕರು
ಜಿಲ್ಲಾ ಪೊಲೀಸ್ ಕಛೇರಿ
ಅಶೋಕ ವೃತ್ತ ಕೊಪ್ಪಳ
583231

+91 08539-230111
This email address is being protected from spambots. You need JavaScript enabled to view it.
   
   

ಒಟ್ಟು ಸಂದರ್ಶಕರು

019756

Main Menu